بمجرد سماع جملة " العودة إلي المدرسة " البعض يشعر بإستياء كبير , والبعض الأخر يُفكر في مدي الفائدة التي سيحصل عليها فور الإنتهاء من هذه السنة ! وفي هذه المقالة التي يُقدمها لكم " فريق إستفهام " سنخبركم بكل شئ عن الدراسة في العام الجديد وكيفية رسم خطة أو إستراتيجية تسير عليها في عامك الدراسي الجديد .
هناك ثلاثة أفكار سائدة تدور في أذهان الطالب مع بداية العام هي :
- هل الوقت هيكفي أخلص مذاكرة الكم الهائل من المعلومات ؟
- هل هقدر أجيب مجموع يدخلني الكلية إللي أنا حاببها مش المفروضة علّي ؟
- كيف أوفق بين دراستي ووقت الترفيه وغيرهم من الأنشطة إللي بحبها ؟
تعالي نشرح كل سؤال وإيه إللي بيترتب عليه ونتائج الخطوات الصحيحة لحل اللغز .
1- إزاي توازن بين وقت المذاكرة وكم المواد اللي عندك ؟!
إنت مُلتزم مع نهاية آخر العام |أنك تخلص قدر ليس بقليل في وجهة نظرك , وتري أن الوقت لن يوازن هذا الكم , لكن في الواقع ضمن خطة وزارة التربية والتعليم أن يوازن الكم الموجود في الكتب , الوقت المُتاح للطالب , وهذا ما سوف تقتنع به فور إنتهائك من قراءة هذا المقال .
وقت المذاكرة إبعد الدنيا كلها عنك في وقت المذاكرة ومتفكرش في أي حاجة تاني وأمشي بإستراتيجية واضحة بمعني كل 45 دقيقة مذاكرة أعطي لنفسك 5 دقائق راحة " أطلع بص من الشباك وشم شوية هواء " أفصل نفسك تماماً من مود المذاكرة وأعمل أي حاجة تاني بحيث تحافظ علي صحتك و نظرك وتستفيد من ترتيب معلوماتاتك في مراكز المخ .
بعد الـ 5 دقائق الراحة خد كمان 5 دقائق أرتاح علي السرير وسيب نفسك تماماً ده صحياً بيحميك من خشونة المفاصل والآلام العمود الفقري وغيرها من أمراض الإكتئاب والأمراض النفسية !
كمان خد 5 دايق ترتيب للي هتذاكرة في الفترة التانية من يومك الدراسي , يعني جدّول أعمالك في الـ 45 دقيقة القادمة , هتلاقي المذاكرة ممتعة وتعرف تخلص أكبر قدر من المذاكرة في وقت قليل جداً .
2- إزاي أجيب مجوع يدخلني كلية قمة وهل هقدر أحصل مجموع عالي ؟
تفكيرك في المجموع بيخلي عقلك يرمي سهام تركيزك علي درجات فقط مش إستفادة فعلية ! يعني إيه تفكر في مجموع إنت أصلاً لسه متعبتش عشانه ! فكر الأول إزاي تخطط صح للمذاكرة إللي هتخليك تجيب المجموع العالي المُحترم إللي بواسطته هتدخل كلية قمة .
أنت كل اللي مطلوب منك أنك تستغل كل دقيقة في المذاكرة وسيب الباقي علي الله وتأكد تماماً أن الله لن يضيع عليك ثانية واحدة من تعبك ومجهودك , وأعرف كمان أنك لا يُمكن تتساوي بحد غش أو قصر في مذاكرته " الله عادل ويحب العدل " .
هتعرف بعد ما تخلص دراستك الإبتدائية والإعدادية والثانوية إن مفيش حاجة إسمها كليات قمة وكليات قاع , وهتعرف أنك طلعت من مرحلة كُنت متخيل للحظات إنها صعبة إلي مرحلة أصعب منها مئات المرات .
3 - إزاي أوفق بين دراستي ووقت الترفية ؟
حرفياً أنت مش في سجن " أوعي تغلط وتحبس نفسك في المًذاكرة فقط , هتندم كتير !
مش معني ده انك تنغمس في الترفية وتنسي دراستك , أعرف إن مخك متنفر دائماً مما يُتعبه وهتلاقية دايماً بيبعدك عن المذاكرة وهيوصلك صورة غير جيدة بالمرة عن تعب وإحباطات الدراسة , كل ما عليك فعلة هو قضاء 6 ساعات أسبوعياً كترفية , أخرج مع أصحابك وأتمشي والعب وأعمل إللي إنت عايزة خلال وقت الأجازة ده وخليك دايماً إنسان مرح , متخليش المذاكرة أو إجبارك علي المذاكرة ينسيك هواياتك " إنت حر وليس مقيد " .
تابع ماتش كورة أنت بتحبة ومتفوتش مشاهدة فريقك المفضل وإعرف أن الوقت إللي هتاخدة في الترفية هيعود عليك بنفسية منفتحة للتعليم والدراسة وهيديك دافع كبير لتحقيق أحلامك , خليك إجابي دايماً ووازن بين الصح والغلط ويوم ما تتمادي في الغلط راجع نفسك بنفسك .
في النهاية أحب أقولكم | سنة دراسية موفقة بإذن الله .