الأبناء أبطال ولكن يحتاجون تشجيعكم ! بهذه الجملة أفتتح معكم هذه المقالة المهمة جداً , يوجد عدة أسباب تجعل إبنائكم أبطال وليس المقصود بأبطال أن يكونوا لاعبين أو رياضيين فقط , بالطبع نقصد أبطال في حياتهم بوجه عام , وهذه الأسباب تتلخص في :
- تعليم إبنك أساسيات الحياة .
- فتح عيون إبنائكم علي الخير فقط .
- تطوير مهاراتهم الأساسية .
- ممنوع المقارنه بين إبنائكم وأبناء الجيران !
- فهموا أولادكم أن النجاح مش علي الورق !
أهم خمسة أسباب يجعلوا من أبنائكم أبطال في حياتهم ويلاحقهم النجاح في أي عمل يقومون به , بعض الأبناء يعتبرون الأطفال مشروع نجاح , بحيث يطوروهم لخدمة البشرية وبذلك يصبحون أبناء علم وعمل والأهم كونهم أبناء صالحين , والبعض الأخر لا يهتم بهم في الأساس , فكل ما يفكر فيه النوع الثاني هو توفير المال لأولادة وتربيتهم علي صناعة المال فقط , مما يُنشئ جيل في أغلب الأوقات يكون فاشل وفاسد " محبة المال أصل كل الشرور " .
علم ابنائك أساسيات وإستراتيجيات الحياة .
بالظبط كما قرأت , الحياة لها أساسيات ولعلك تعرفها حسب خبرتك في الحياة , ولكن لنتحدث الأن علي أساسات لابد أن يتعلمها الأطفال , بل يجب أن تغرز فيهم هذه الأساسيات , وتعليمهم كيفية التعامل معها ومع نتائجها .
اقرأ أيضاً " مفهوم النجاح سواء في العمل أو الدراسة أو حياتك الإجتماعية "
1- علمهم إزاي يبقوا مُطيعين بالإيجاب , إزاي يعرفوا أن الأب والأم خط أحمر وهم أكتر ناس يعرفوا مصلحتهم .
2- فهمهم أن الحياة عايزة قلب جامد وإنها مجرد إختبار بسيط وإن اللي بيحبوا الحياة الحياة بتحبهم كمان , في إطار فهمهم .
3-علمهم من البداية إن لكل بيت أسرار مينفعش تطلع بره نهائياً لأي سبب كان , ولا يجب عليك التحدث مع أحد بشأن هذا .
4- فهمهم إن إدارة الوقت أهم شئ فالوقت كالسيف , وعرفهم إن الوقت اللي بيمر بدون عمل جيد ربنا هيحاسبهم عليه .
الخير ! الخير ! فقط هذا ما تتحدث عنه أمامهم .
طول ما إنت قاعد معاهم متتكلمش غير عن الخير وأهميته وأن الله يحب الخير , بلاش تذكر الشر والأعمال الوحشة قدامهم ! لأنك بتعرفهم حاجات هما المفروض مش بيعملوها في الأساس فإنت بتفتح عينهم عليها وده أكبر غلط .
دايماً بتتقال جملة حلوه " الخير يخترق كل الطرق طالما لم يواجه تضاده ! " فعلمهم طرق الخير ودع الخير يسير في شرايينهم , ويستخدمهم لنفع المجتمع الذي يعيشون فيه والعالم بشكل كامل .
طور مهارات أولادك الأساسية .
كثيراً ما نسمع " إبنك جيد في كذا " أو " بنتك زكية جداً " ... إلخ
إستغل تشجيع الناس لأولادك , وإبني عليه حاجات تانية , نمي هذه المهارات زي السمع , الصوت , الرياضة , عرف أولادك أهمية كل حاجة من دول وسيب الباقي عليهم , وصلهم لأول الطريق وإسندهم في المشوار , وخليهم يعتمدوا علي نفسهم , راقب من بعيد .
بلاش مقارنة مع حد !
سبب فشل وإحباط عدد كبير جداً من الأبناء هو المقارنة بينهم وبين أي حد وخصوصاً لو في حد من العيلة في سنهم , بتبقي مصيبة كبيرة جداً عند الأولاد , أنت ليه تقارنهم بحد من الأساس ! , نفترض إن إبنك ربنا خالقه بطبقة صوت لا تسمح له بالغناء وإبن عمه أو إبن عمته أو أي حد من العيلة طبقة صوته ممتازة للغناء , تيجي إنت تبّكت إبنك علي صوته , طب متتخانق مع ربنا أحسن ! , بلاش جهل .
اقرأ أيضاً " دور ومسؤولية الأب في تربية الأبناء "
خليك إيجابي ولو مر فعلاً عليك الموقف ده , إشرح لإبنك إن ربنا إختارك إنت لحاجة تانية مساويه للموهبه إللي إختار ربنا فلان لُمثلها وهكذا , بلاش تقارن أولادك بحد تاني .
النجاح مش علي الورق , لازم أولادك يعرفوا كده .
إزرع في أولادك إن النجاح عمره ما كان علي ورق بس , وعرفهم إن نجاح الورق مجرد إثبات إنك تخطيت فترة من دراستك فقط , لكن النجاح الحقيقي هو إللي قدرت تحققه من فائدة خلال هذه الفترة , أسعي بكل ما تمتلك علي جعل أبنائك من الأوائل في كل حاجة , لكن بطرق إيجابية وليست سلبية .